برمنگھم   پورے برطانیہ کی مساجد اور اسلامک سینٹرز میں کل ”یوم ختم نبوت“ منایا گیا۔ علماء و خطباء حضرات نے نماز جمعہ کے اجتماعات میں عقیدہ ختم نبوت کی اہمیت و فضیلت بیان کرتے ہوئے کہا کہ آنحضرت صلی اللہ علیہ وسلم آخری نبی ہیں۔ آپ کی نبوت و رسالت قیامت تک کے لئے ہے۔ آپ صلی اللہ علیہ وسلم کے بعد دعویٰ نبوت کفر ہے۔ یہ عقیدہ ختم نبوت قرآن کریم، احادیث متواترہ، صحابہ کرام، تابعین، تبع تابعین، آئمہ مجتہدین کی تصریحات اور امت مسلمہ کا متفقہ عقیدہ ہے۔ انہوں نے کہا کہ منکرین ختم نبوت نے دنیا کو غیر عقلی عقائد و نظریات اور اسلام کے نام پر دھوکہ دہی کے ذریعہ گمراہ کیا ہے۔